चेंबूरच्या वॉर्ड क्रमांक १५५ मधून प्रतिक्षा कांबळे अपक्ष उमेदवारीसाठी सज्ज
मुंबई महानगरपालिका निवडणुकीच्या पार्श्वभूमीवर चेंबूर येथील वॉर्ड क्रमांक १५५ मधून प्रतिक्षा मंगेश कांबळे या अपक्ष उमेदवार म्हणून निवडणूक रिंगणात उतरण्यास सज्ज झाल्या आहेत. सामाजिक कार्याची पार्श्वभूमी असलेल्या प्रतिक्षा कांबळे यांनी नागरिकांच्या मूलभूत प्रश्नांसाठी सातत्याने आवाज उठवला असून, त्याच अनुभवाच्या जोरावर त्या अपक्ष उमेदवार म्हणून वॉर्ड क्रमांक १५५ मधून निवडणूक लढवणार आहेत.
या संदर्भात बोलताना प्रतिक्षा कांबळे यांचे पती सामाजिक कार्यकर्ते मंगेश कांबळे म्हणाले की,“निवडणूक जिंकलो किंवा हरलो तरी जनतेसाठी काम करणे थांबणार नाही. जिंकलो तर अधिक जबाबदारीने आणि हरलो तरी तितक्याच निष्ठेने जनतेची कामे करणे व त्यांना न्याय मिळवून देणे सुरूच राहील,” असे त्यांनी स्पष्ट केले.
चेंबूर परिसरातील पाणीटंचाई, आरोग्य सुविधा, स्वच्छता, रस्ते, शिक्षण तसेच महिलांच्या प्रश्नांवर प्रतिक्षा कांबळे यांचा विशेष भर असल्याचे सांगण्यात येत आहे. अपक्ष उमेदवार म्हणून वॉर्डातील मतदारांशी थेट संवाद साधत पारदर्शक आणि विकासाभिमुख कारभार देण्याचा निर्धार त्यांनी व्यक्त केला आहे.
चेंबूर वॉर्ड क्रमांक १५५ मध्ये प्रतिक्षा कांबळे यांच्या अपक्ष उमेदवारीमुळे निवडणूक लढत अधिक रंगतदार होणार आहे.
मुख्य संपादक-संतोष लक्ष्मण शिंदे
